Arşiv Okumaları / 35

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki

Mekârim-kârâ
sabık sarraflık hizmetimizde olan yahudi haskil ve biraderi azra birisi asitanede ve birisi bağdad'da hizmet-i muhlisİ de bulunduklarından o halette her ne variyyetimiz var ise iki kardaşın yed-i tasarruflarında kaç senelik hesap ve kitabımız zimmetlerinde mevkuf kalmış hele mersum haskil belasını buldu belağa ma-belağ zİmmetinde müterakim olan metalibimiz vücud-ı habisle telef oldu bağdadda olan mersum biraderiyle mehma- emken hesabımızın temyizi mümkün iken ba-irade-i seniyye ol dahi mübaşir ile asitaneye  ihzar ve biraderi cezasını buldukdan sonra mersum azra nefy u icla ve bir müddet menfasında  ibka buyurulduktan sonra na'il-i afv u merhamet olarak kaç mahdan-berü asitaneye gelüb ikamet itmiş kendüleriyle olan muhasebemiz fenade-i ukde-i ta'til olduğu mahzan sabık ve lahık sarrafların yekdiğer ile olan nefsaniyyet ve desayis yehudiyyelerinden  neş'at etmiş olduğundan mersum azranın abes ol tarafda meks ve tevfikinden ise mücerred kendüleriyle olan hesabımızın temyiziçün bu Tarafa tesyirine hüsn-i himmetleri masruf buyurulmak me'muldür. fi 7 safer 1241

Arşiv Okumaları / 34

1. dergah-ı felek-medAr ve bargâh-ı gerdûn-İKTİDAR TÜRABINA 'arz-ı bende-i bi- mİKdar bu dur ki
2. bu kulları BA-BERAT-ı şerİf-İ ali şan idâre-i hizmet dizdarlığı ile me'mur olduğum Medîne-i Ayntab kal'asının emr-i muhafaza
3. ve hizmet-i lazimesinde TIBK-I me'muriyetim üzre mukim olub bi- kazail'lahi te'ala ve bi kaderihİ iş bu sene-i mübareke-İ mah-ı zi'l ka'de
4. E'Ş-ŞERİFESİNİN yirmi yedinci gecesi belde-i mezburede vuku'a gelen zelzele-i azimeden kal'a-i mezkurede dahi ziyadesiyle
5. vuku'a gelüb derununda olan büyUT külilliyen müNheZim ve altında kalan ahalisinden nice rical ve nisa' ve sıbyan helak ve mecruh
6. ve nefs-i kal'anın burc ve BAROLARI dahi münhezim ve harab olmaĞla bu babda irade-i aliyye ne güne ta'alluk buyurulacağı içün
7. ifade-i hal  lazime-i gerden-ÇAKERİYETİM olduğuna bina'en vuku'-ı hal paye-i SERİR-İ a'laya arz ve i'lam olundu baki emr u ferman  DER-ADLİNDİR

Bende Ali Ser-bölük-i kal'a hala

Bende mehmed ser-bölük-i kal'a hala

Bende hacı ali topçu-i kal'a hala

Bende hüseyn harbe-dar-ı kal'a hala

Bende  ramazan katib-i kal'a-i mezkur hala

Bende mehmed şeyh-i imam-i kal'a-i mezkur hala

Bende seyyid sübhan verdi kethüda-yı kal'a hala

Bende seyyid ahmed emin dizdar-ı kal'a-i AYINTAB hala

Not: Bu belge Osmanlıca Tarih Edebiyat grubu üyeleri tarafından çevrilmiştir. 

Arşiv Okumaları / 33

Sahh
Arz mûcebince kaydına şerh virile deyü hükm buyuruldu

Ma‛rûz-ı abd-i bî-mikdârlarıdır ki,
Bolu ve Kastamonu sancaklarında Yenice nâm karye ve gayrıdan otuz altı bin iki yüz elli dört akçe ze‛âmete mutasarrıf Defterhâne-i âmire kâtiblerinden Mehemmed Râgıb kulları, birkaç seneden berü Tebrîz ser-askerleri yanında umûr-ı mühimme tahrîri ile meşgūl olmağla, ser-asker paşa yanında hidmet-i kitâbetde oldukça ve ze‛âmetine gedik ilhâk idinceye dek başka sancakdadır veyahud alaybeyi bayrağı altında nâ-mevcûddur deyü ze‛âmetine zarar gelmemek içün, kaydına şerh virilmek üzre emr-i şerîf ısdârı bâbında emr ü fermân devletlü, inâyetlü sultânım hazretlerinindir

Arşiv Okumaları / 32

Arz-ı bende-i bî-mikdâr budur ki,
Şevketlü ve kerâmetlü ve inâyetlü Pâdişâhım,
Hâlâ Anadolu Kadıaskeri Hâmid Efendi’ye Rumili Kadıaskerliği ve sâbıka İstanbul Kadısı Abdurrahîm-zâde Mehemmed Efendi’ye Anadolu Kadıaskerliği ve sâbıka Anadolu Kadıaskeri Dâmâd Mustafâ Efendi’ye ve sâbıka Anadolu Kādîaskeri Mustafâ Efendi’ye Rumili Kadıaskerliği pâyesi inâyet ve ihsân buyurulmak bâbında fermân kerâmetlü Pâdişâhımındır.

Not: Elkaplardan sonra gelen Pâdişâhım,  Sultanım ifadeleri adı geçenlerin makamlarının yüksekliğini beyanı babında metinden ayrı ve yukarıda yazılır.

Zafe ŞIK
Osmanlı Arşivleri Uzmanı

Arşiv Okumaları / 31

Sahh

Buyruldu
Şeref-yâfte-i sudûr olan hatt-ı hümâyûn-ı şevket-makrûn-ı şâhâne mûcebince rütbe-i mîr-i mîrânî ile    Cezayir-i  Garb Beylerbeyiliği mûmâ-ileyh Hüseyin Dayı’ya avâtıf-ı aliyye-i mülûkâne ve avârif-i behiyye-i hüsrevâneden tevcih ve Dîvân-ı Hümâyûndan emr-i şerîfi  ısdâr olunmak

Fî 4 Cemâziye’l-âhir sene [1]233

Arşiv Okumalarında Arabî Ayların Kısaltmaları ve Genel Bilgiler

Osmanlıcada Arabi aylar için ve genellikle de resmi metinlerde kullanılan kısaltmalar şöyledir: 

Muharrem: م (M.)
Safer: ص (S.)
Rabiu'l-evvel: را (RA.)
Rabiu'l-ahir: ر (R.)
Cemaziye'l-evvel: جا (CA.)
Cemaziye'l-ahir: ج (C.)
Receb: ب (B.)
Şa'ban : ش (Ş.)
Ramazan: ن (N.)
Şevval: ل (L.)
Zilkade: ذا (ZA.)
Zilhicce: ذ (Z.)

Not: Tarihlerde hicri aylar gerek uzun yazılırken kısa kodlarla yazılırken nokta kullanılmaz.

Arşiv okumalarında Rumi aylarda kısaltma kullanılmaz. Sadece Hicri aylar için kullanılır. Bazı ayların ilk harfi (Muharrem, Safer Şaban) kod olarak alınırken bazılarının son harfi (Receb,  Ramazan,  Şevval) )kod olarak kullanılmıştır. İki kelimeden oluşan ayların önce gelen ay, birinci ve ikinci kelimelerin ilk harfini almıştır (Rabiu'l-evvel,  Cemaziye'l-evvel, Zilka'de). Geri kalan aylar da ilk harfi kod olarak kullanılmıştır (Rabiu'l-ahir,  Cemaziye'l-ahir,  Zilhicce).

Ayrıca hicri ayların ilk günü için GURRE ve son günü için SELH ifadesi kullanılır.
Ayın son günü niçin GAYET,  NİHAYET kelimelerinin de kullanıldığını yer yer görmekteyiz.
Hicri aylarda ayın ilk on günü için EVAİL, ikinci on gün için EVASIT ve son on gün için de EVAHİR ifadelerinin kullanıldığını görüyoruz.

Tarihlerde tarihin solunda yazan dikey uzun çizgi "fi" ifadesidir. Fi bazı metinlerde açık şekilde yazılırken bir çoğunda uzun bir elif şeklinde yazılmaktadır. Yıl yazılan kısmın altındaki yatay çizgi "sene" demektir.
Arşiv belgelerinde genelde iki basamaklı yıllar hicri 13. asır için kullanılmıştır. Mesela;
Fi 15 ramazan sene 45 tarihindeki 45 senesi hicri 1245'tir.

Zafer Şık
Arşiv Uzmanı

Arşiv Okumaları / 30

Sahh
Telhîs mûcebince kayd ve tezkiresi i‘tâ olunmak buyruldu.
Fî 23 N. sene [12]31

Arz-ı bendeleridir ki,
Hâssa Mi‘mârbaşısı  Ali Rıza Efendi kullarının işbu memhûr takrîri ve bâlâsına sâdır olan fermân-ı âlîleri mûcebince bu def‘a  Cezayir tarafından vürûd eden aslânların vaz‘ ve rabtiyçün  Atmeydanı’nda kâin  Fazlı Paşa derûnunda mevcûd kârgîrler derûnuna müceddeden inşâ ve ta‘mîr olunan ebniye resîde-i tekmîl olmağla merbût olan bir kıt‘a keşif defteri mantûkunca mesârifi  olan üç bin üç yüz otuz buçuk guruşdan hesâb etdirildiği vechile sâbıkına kıyâsen sa‘yen li’l-mîrî üç yüz otuz buçuk guruşu tenzîl olunup mâ‘adâ üç bin guruş mesârifi nin verilmesiyçün Başmuhasebe’ye kayd ve tezkîresi i‘tâ olunmak bâbında emr u fermân devletlü sa‘âdetlü sultânım hazretlerinindir. 
Tezkire dâde
fî 4 Şevval sene [12]31

Arşiv Okumaları / 29

İşbu defterde münderic mevâddın ekserîsi diğer telhîslerimiz mûcebince tanzîm olunmuş, top mâddeleri dahi mûmâ-ileyhimâ  Tersâne-i Amire emîni ağa ve Topçubaşı ağaların i‘lâmları üzere mevcûd-ı Tophâne ve Tersane’den verilecekleri i‘tâ olunmak için Başmuhâsebe’ye kayd ve sûretleri verile.
Dü kıt‘a sûret dâde
Fî 5 Rebî‘ü’l-âhir sene [1]206

Arşiv Okumaları / 28

Sa‘âdetlü  Tersâne-i Amire Emîni Ağa Hazretleri
İşbu mühimmât-ı matlûbenin sâbıklarına nazar ve vakt u hâli dahi mütâla‘a ve devletlü kapudân paşa efendimiz hazretleriyle dahi müzâkere eyleyerek ta‘dîl ve tertîb ve el-hâletü hâzihî mevcûd-ı tersâneye ve taşradan gelecek mürettebâta bakılarak mevcûd-ı tersâne-i ma‘mûreden i‘tası mümkün olânları ve müceddeden mübâya‘aya muhtâc olacakların ne ma-halden ve ne vechile tedârikinde yüsr u suhûlet olduğunu îzah birle müşârun-ileyh hazretleri-nin inzimâm-ı re’y-i müşîrâneleriyle ve liman reisi ve cânib efendi ve kereste kâtibi efendi ve sâir iktizâ edenler ile bi’l-istişâre tanzîm ve sûret-i nizâmlarını...

Arşiv Okumaları / 27

Mûcebince beylerbeyilik ile tevcîh olunmak buyruldu.
24 N. sene [1]130 
Der-i devlet-medâra arz-ı bende-i bî-mikdâr budur ki, Bundan akdem Cezayir-i  Garb Ocağı’nda dayı olup taraf-ı  Devlet-i Aliyye’den dahi beylerbeyilik ile eyâlet-i merkûme inâyet ve ihsân buyrulan Ali Paşa kulları bi-emrillâhi te‘âlâ vefât edip eyâlet-i merkûme mahlûl olmağın ocağ-ı mezkûr ahâlîsinin muhtarı ve üzer-lerine başbuğ olup hâlâ dayı olan Mehmed Dayı hıfz u hırâset-i vilâyet ve himâyet ve sıyânet-i memlekete bezl-i kudret edip akvâl ve ef‘âlinden ahâlî-i vilâyet râzı ve şükrân oldukların ve avâtıf-ı aliyye-i cihan-dârîden eyâlet-i merkûme mezbûr kullarına inâyet ve ihsân buyurulmak ricâsına i‘lâm ve iltimâs etmeleriyle mahzarları der-i devlet-medâra irsâl kılındı. Manzûr ve ma‘lûm-ı devletleri buyruldukda ricâ ve iltimâslarına müsâ‘ade ve eyâlet-i mezkûre merkûm kullarına tevcîh ve inâyet buyurulur ise ol bâbda fermân men lehü’l-emrindir
Fî 2 Şa‘bân sene 1130 / [1 Temmuz 1718]
Bende SüleymanKapudân-ı Deryâ Hâlâ

Arşiv Okumaları / 26

Benim Vezirim
Çatalca Nahiyesi'nde Sürgün karyesi'nde re'aya kenisalarını ta'mir etmişler deyu Çatalca Nâibi i'lam itmekle ka'im-makam Paşa tashihi içün bir ferman yapdırub mühürdar yamağıyla göndermiş,ol-tarafda mu'ayene olunmuş fi'l hakika sahih imiş ve re'aya izinsiz yapmışlar deyu tekrar i'lam ve on kise akçe mühürdar yamağına hidmet vermişler  ben size izn'-i fermanı yaptırdım deyu tekrar tekrar re'ayadan on kise dahi almış na'ibi ve zabiti karyenin koca başılarını Haseki mübaşeretiyle ihzar ettirdim bostancı başı tarafında mahbusdurlar na'ibin takririni aldırıp tarafına gönderdim re'aya biz izinsiz yaptık deyu ikrar ederler imiş amma izinsiz cesaret edeceklerine akıl kesmaz her ne ise madem ki fermansız yapılmış şimdi mübaşir ve mi'mar ta'yin eyleyüb kenisayı külliyen hedm  ettirdesin ve bunları bostancı başı ma'rifetiyle istintak ettirüb hakikatte kimsenin haberi olmaksızın re'aya mı cesaret idüb yapmışlar yoksa na'ib ile karye zabitinin haberleri var mı iyice tahkik idüp taraf-ı hümayunuma haber viresin zira bu bir tarihte olmuş şey değildir bu maddede cürmü olanlar te'dib olunmalı ki sa'ire ibret olsun.

Arşiv Okumaları / 25

Kaim-makam paşa
Bi-işaret-i tarik-i kazadan ve su'-i hareketine mebni cezası verilen Osman nam kimesnenin muhallefat ve nükud ve zimematına da'ir müfredat defteri ve defterdarın takriri manzur ve ma'lumum olub , rehin olan bilezik ba'de's- sübut sahibine redd oluna iki re's arab cariyeyi validesine hibe etmiş ,etmemiş validesine virile ve diğerlerinin azadlı olduğu ma'lum olduğu takdirce keyfe ma yeşa'  ve yahtar ta'dad olunan ma'lumu'l-mikdar nukudu canib-i miriye teslim olunub validesi sandığından zuhur eden meblağdan bin üçyüz otuz guruş nakden validesine verilip üçbin  guruşuna bedel beşyüz  guruşlu sehm ka'imesi validesine virile ba-temessük ve ba- defter zimematı  tahkik ve taharri olunarak tahsil olunub bakkal dükkanı gediği dahi füruht oluna kaldı ki validesi uhdesinde olan emlaki tenkıha muhtac olmağla el- yevm  sakin olduğu hanesi vaz'ı yed olunmayan eşyasıyla  validesinde  ibka olunub ma-a'da menzil ve dekakin ve bostan ve sairin senedatına imrar-ı nazar ve evkaf-ı mütevelli ve katib ve cabilerini ihzar ve tarihlerine dikkat olunarak zikr olunan emlaki validesi  ne vakit   almıştır muaccelerini kendisi mi vermiş oğlu mu harice ihrac eğerçe oğlunun büluğundan mukaddem  tarihle emlak-i mezkurede mutasarrıf olduğu var ise kendüye ibka ve senedatı redd oluna oğlunun büluğundan sonra alub validesi üzerine senet ettirdikleri füruht olunub miriye ahz oluna ve maktul-i mezkurun seddü'l- bahirde yanında buluna eşya ve nukud takrir mucebince emri verile ve validesine müte'allik olan eşyasına ta'arruz olunmamış ise de oğlu eşyasından dahi ba'zı nisa taifesine cesban olan avani-i nühas ve sa'ir hurdevat-ı menzile makulesinden bir miktar şey' virile.

Not: Bu belge Osmanlıca Tarih Edebiyat grubu üyeleri tarafından çevrilmiştir.

Arşiv Okumaları / 24

Bi-mennihi teâlâ
bağdat  eyaleti valiliği inzimamıyla altıncı ordu-yı hümayun müşirliğine saye-endaz übbehet ve iclal olan devletlü efendimiz hazretlerinin huzur-ı  maali-mevfur daver-i a'zamlarına ariza-i çakeranemdir.

Not: Bu belge Osmanlıca Tarih Edebiyat grubu üyeleri tarafından çevrilmiştir.

Arşiv Okumaları / 23

Ma'ruz-ı da'i-i Devlet-i Aliyyeleridir ki
Süleymaniye cami'-i şerifi havlisinde ka'in tahta medrese sakinlerinden olub el-an bab-ı cenab-ı ser-askeride mahbus olan talebeden Geredeli Halil nam şahıs talebe-i uluma gayr-ı layık hilaf-ı rıza ba'zı harekat-ı na-revaya İctisarı sebebiyle merkumun li-ecli't-te'dib İznikmid kazasına nefy ü iclası babında ferman-ı alileri mercudur  el-emr u li-men lehü'l- emr. Hurrire Fİ'l-yevmi'l hâmis min Saferi'l-hayr li-sene hamse ve hamsin ve mi'eteyn ve elf
Ed-Da'i Mekki-zâde Mustafa Âsım

Ufiye anhuma


Osmanlıca Tarih Edebiyat grubuna ulaşma linki

.

Arşiv Okumaları / 22

Ma'ruz-ı da'i-i Devlet-i Aliyyeridir ki
 Lisan-ı emr-i sami-i hazret-i veliyyu'n-'ni'amiye imtisalen Kartal kazası dahilinde ber vech-i bala kura ve kasabanın muhtar ve mu'temedlerinden mesturu'l -esami kimesneler ba'del-ihzar kaza-i mezbur mahkemesinde  meclis-i şer'-i serif-i  enverde husus-ı atiyü'z-zıkre mübaşır ta'yin olunan silahşoran-ı hassadan mir Mehmed Ragıb bendelerİ hazır olduğu halde ber- muceb-i fermude her biri ikrar-ı tamm ve takrir-i kelam edip bi'l-ahare terkim olunan ma'lumu'l-esami  sakin olduğumuz karyelerin kaffe-i sekenesinin bila tezkire bir tarafa gitmeyeceklerine ve içlerimizden hılaf-ı rıza hareket etmeyeceklerine ve hılaf-ı emr-i ali hareket eden olur ise der- akab zabıtan tarafına haber verilmesi hususunda zerreten ma Tecviz-i tehavün ve kusur olunmayacağını mübeyyin ber-vech-İ meşruh birbirlerimize kefil olduğumuzu mu'ayyen kefalet-namemizi hala Anadolu eyaletine ve Bahr-ı Siyah boğazının Anadolu canibi muhafazasına  saye-endaz-ı übbehet ve iclal olan devletlu merhametlu veliyyü'n-ni'am Hüsrev Paşa Efendimiz hazretlerine arz eyle deyu istid'a eyledikleri asafanelerine arz ve i'lam olundu .El-emr u li-menlehü'l-emr .Fi'l-yevmi's-sabi' min şa'bani'l-mu'azzam li-sene isneteyn ve erba'in ve mi'eteyn ve elf 
El-abdü'd-da'i li'd-devleti'l aliyyeti'l-ebediyyeti'l-osmaniyye Yenişehirfenari İbrahim  el-müvella hilafe bi-nahiye-i Adalar.


Osmanlıca Tarih Edebiyat grubuna ulaşma linki

Arşiv Okumaları / 21

Ka'im-kamam Paşa
Selim Paşa'nın azli ve Şerif Paşa'nın nasbı içün taraf-ı mülukaneme telhis eylemiş idin , gerçi azline müsa'ade-i hümayunum olmuş idi ,ancak ba'zı mahallerden ehliyeti olduğu mesmu'-ı şahanem olmuşdur. Bir kerre gereği gibi taharri ve tecessüs olunarak maddeye vakıf olasın ,fi'l-hakıka ahalisi ile hoş hal midir yohsa sahte bir şey midir ,ve'l-hasıl ıttıla'-ı tamm ile ma'lumun oldukta nasıl iktiza eder ise taraf-ı şahaneme arz ve ifade eyleyesin.

Osmanlıca Tarih Edebiyat grubuna ulaşma linki

Arşiv Okumaları / 20

Veliyyü'n-ni'am Devletlu 'İnayetlu Efendim Hazretleri
Dünkü gün kararı tahrir ile taraf-ı devletlerine teslim olunan Ka'imelerin üzerinde Hatt-ı hümâyûn olduğundan elde gezmesi münasib olmamağla Hatt-ı hümayun ile mu'anven ka'imeler malikanede hıfz ile tekrar ka'imeler tahrir ittirilmesi istisvab olunduğu ma'lum-ı devletleri tebdil ve yine taraf-ı devletlerine tesyir olunmak üzre tevkıf olunan ka'imelerin irsali hususunda inayet efendim hazretlerinindir.

Osmanlıca Tarih Edebiyat grubuna ulaşma linki

Arşiv Okumaları / 19

Benim Vezirim
Bu işlerin bitmesi murad-ı şahanemdir .Nasıl münasib görüyor isen öylece idesin, lakin bu tertib mukaddem olaydı olmaz mıydı defter emaneti kangı ademe elyak ve enseb ise nasb idesin. Kapudan Paşa'nın azimetini zikr ederek dünkü gün taraf-ı hümayunumdan hatt irsal eylemiştim ve bu me'muriyyeti 'aleme şayi' olup şimdi yine ahar suret kesb eylediği surette yine bir kıyl u kali mucib bir madde olacağı anlaşılur. Paşa bu maddeyi bir rabıta tahtına idhal iderek bir hüsn-i suretiyle nizam ve intizamına mübaderet eyleyesin. Göreyim seni.

Osmanlıca Tarih Edebiyat grubuna ulaşma linki

Divani Hat Meşkleri

Arşiv Okumaları / 18

Ber-vech-i bâlâ esas olmak üzere bu vecihle nizama rabt olunmuş ise de bi-mennihi teâlâ bundan böyle nizamların usul u furu'larına ve iktizâ-yı vakt u hal ve maslahata göre cerh ve ta'dil ve tenkîs ve ilavesi münasib olan hususatIn zeyl olunması caiz olmak ve ila  maşaAllah u te'ala muktezası icrası olunmak üzere iktiza eden mahallere kayd ve  ilim u haberi verile ve mİn ba'd nizamatı mezkurenin hilafına ve zabıtânın azl ve nasb ve te'diblerine ve zabitliğe layık olmayanların zabit nasbı hususuna da'ir rica ve şefa’at edenler olur ise zahiren ve batınan  seyyi'esini müşahede edeceklerinde şübhe yoğ ise de (yoksa da) bu makule ricalara kat'a müsa'ade olunmaya. Tahriran fi  yevmi's samin min şehri şa'ban'il Mu'azzam li-sene selase ve erba'în ve  mi'eteyn ve elf.

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki

Arşiv Okumaları / 17

Ma'rûz-ı çâker-i kemîneleridir ki:
Reside-i dest-i ta'zim olub melfufuyla manzûr-ı âli buyurulan işbu tezkire-i sâmiye-i sadâret-penâhileri üzerine mucebince irade-i seniyye-i cenâb-ı hilâfet-penâhi şeref-müteallik buyurulmuş olmağile ol babda emr ü ferman hazret-i veliyyü'l-emrindir. 
Fi 22 Rebiülevvel sene 317 ve fi 18 Temmuz sene 315

Ser-kâtib-i hazret-i şehriyârî
Tahsin

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki

Arşiv Okumaları / 16

Hû
Diyarbakır Vilayeti
Mektubî Kalemi
Adet 8

Dahiliye Nezareti Celilesi canib-i alisine

Devletlü Efendim Hazretleri
A Hame-piray-ı tazim ve ibcal olan  8 Mart 330 tarihli beş numrolu tahrirat-ı aliyye-i cenab-ı nezaret penahileri cevabıdır.   Hani nahiyesinin merkez vilayete irtibatı hakkında vuku bulan müracaat-ı sabıka üzerine şeref-varid olan  22 kanunu sani 319 tarihli tahrirat-ı aliyye-i nezaret-penahilerine cevaben takdim kılınan 8 Mart 320 tarihli 4 numrolu meclis-i irade-i vilayet mazbatasıyla    tanzim beyan-ı mütalaa olunduğu arz olunur. Emr ü ferman hazret-i men lehü'l-emrindir.
fi 30 muharrem 322 ve fi 3 nisan 320
Diyarbekr Valisi
Esseyyid Mehmed Nazım

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki

Arşiv Okumaları / 15

Hû

Diyarbekir Vilâyeti Mektubi Kalemi

Dahiliye Nezaret-i Celilesi Huzur-ı Samisine

Maruz-ı çaker-i kemineleridir
30 Mayıs sene 334 ve 260 numerolu tahrirat-ı aciziye zeyldir. Eşkıyalara cephane sevk etdiği anlaşılan Palu'nun Sağtan karyesi Rencoğullarından Hamid ve Tahir ile Yusuf oğlu Mustafa'nın der-dest idilerek ol babdaki evrak-ı tahkikalarıyla ma'an  cihet-i 'adliyyeye teslim idildikleri jandarma alay kumandanlığı ifadesiyle bera-yı ma'lumat 'arz olunur . Ol babda emr u ferman hazret-i men-lehü'l-emrindir.
3 Haziran 334
Diyarbakır Vali Vekili  bende

Not : Bu belge Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat grubuna ulaşma linki

Şehâdetnâme Nasıl Alınır?

Facebookta Osmanlıca Tarih Edebiyat grubu olarak arşiv okumalarında gelişme gösteren kişilere ıslak imzalı sertifika vermekteyiz. Sertifikada Etem Coşkun,  Rümeysa Odabaş ve Zafer Şık'ın imzaları bulunmaktadır.

Grubumuzdan sertifika alabilmenin üssü'l-esasları;
1 - Osmanlıca Tarih Edebiyat grubunda aktif olmak.
2- Çeviri amaçlı paylaşılan belgeleri doğru şekilde tercüme etmek (Hususen akşam paylaşılan metinlerde)
3- Devamlılık.

2 kur olarak planladığımız bu şehâdetnâme uygulamasında 1. kurda şartları yerine getiren 11 kişiye sertifika verilmiştir.

Şehâdetnâme alanların belge örneği grubumuzda dosyalarda "şehâdetnâme e-kitap" olarak mevcuttur.

Arşiv Okumaları / 14

Tarih-i tesvidi 17 kânûn-ı sani sene 319
Tarih-i Tebyizi
Arabî fi 17 Zilka'de sene 321
Rumi fi 22 kânûn-ı sani sene 319

Diyarbekir vilayet-i behiyyesine

Lice kazasına merbut Hani nahiyesi ahalisine karşı Lice müteneffizânı tarafından ne misüllü muamelat-ı i'tisâfkârânede bulunulmakda olduğundan ve bu sebeble sekene-i mahalliye ve hukuk-ı hazineye TERETTÜB eden haSAR u MAZARRIN DERECATINDAN bahisle nahiye-i mezburenin doğrudan doğruya vilayet merkezine rabt ü ilhakı hakkında bazı ifade ve istidayı havi huzur-ı sami-i cenab-ı sadaretpenahiye bit takdim tevdii buyrulan arz-ı halin sureti tesri-i muamelat ve ıslahat komisyonu ifadesiyle leffen irsal kılınmış olmağın mealine nazaran bittahkik muamele-i lazımenin  ifa ve inbasına himmet buyrulması babında.

Not: Bu belge Osmanlıca Tarih Edebiyat grubu üyeleri tarafından çevrilmiştir.

Zafer ŞIK


Osmanlıca Tarih Edebiyat grubuna ulaşma linki

Arşiv Okumaları / 13

Meydanda bir sebeb-i kânuni yok iken, Vilayetçe Hazro Nahiyesine tahvil-i me’muriyet ettirildiğinden bahisle, me’muriyet-i sâbıkasında ibkâsı Hani Müdürü Ahmet efendi tarafından keşide kılınıp havâle buyurulan telgrafnâmede istid'â kılınmıştır. Lede’t-tedkik Hani Nahiyesi Müdürlüğü kayden mumâileyh Ahmet Efendî uhdesinde olub Hazro’ya tahvil-i me’muriyetine dâir bir gûnâ ma'lumât-ı kuyûdiyeye dest-res olunamamış ve me’muriyetin bilâ sebeb tahvil-i me’muriyetleri gayr-i câiz bulunmuş olmağla bu bâbdaki esbab ve ma’lumâtın evvel-emirde Diyarbekir Vilayetinden isti’lâm buyurulması menût-ı re'y-i âli-i cenâb-ı nezaret-penâhileridir. Ol babda emr ü ferman hazreti men lehül emrindir.
8 Zilhicce sene [1]321 ve 12 Şubat sene [1]319

Not: Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık

Osmanlıca Tarih Edebiyat grubuna ulaşma linki

Arşiv Okumaları / 12

Diyarbekir Vilâyet-i Aliyyesine
Sebk eden hizmetinden ve aldığı maaş maişetini temin edemediğinden bahisle, bir Nahiye Müdürlüğüne tayini niyazını hâvi Hani Nahiyesi Müdür Katibi Mehmed Sadık efendi tarafından gönderilen arz-ı hal, leffen  irsal olundu. İfâ-yı muktezâsına himem-i âlileri masruf buyrulmak bâbında, emr ü irade hazret-i men lehü'l-emrindir.

Not: Bu belge Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat grubuna ulaşma linki

Arşiv Okumaları / 11

Taraf-ı Vâlâ-yı Hazret-i Ser-askeriye

Sâye-i tevfikat-vâye-i Cenâb-ı Pâdişâhide Hani Nahiyesinin üç yüz dört senesi beri kur'a efradının numero keşidesi ma'lûmâtı icrâ olunduğuna  ve tereffuatına dair Diyarbekir Vilayeti'nden meb'ûsu  tahrirat-ı malumat olmak üzere leffen takdim-i vâlâ-yı  ser-askeri  kılınmış olmakla ol babda.

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki

Arşiv Okumaları / 10

Kürdistan  Valisi’ne
Yazılı
Sabık Avniye Miralayı olub töhmet-i sabitesine mebni üç mâh müddetle Fi 11 Zilka'de sene [1]276 tarihinde Diyarbekir’e muzâf Hani Kasabasına nefyolunmuş olan Hacı Timur Beğin afv u ıtlâkı Kürdistan Meclisinin vârid olan mazbatasının isti'zan kılınmasıyla keyfiyet meclis-i vâlâya lede'l-havâle mir-i mümâileyhin müddetini ikmal eylediği reviş-i halden anlaşıldığından usül-i vechile ıtlâkı hususunun savb-ı düstûrilerine bildirilmesi tezekkür kılınmağla icabının icrâ ve inhâsına himmet buyurmaları siyâkında şukka.

Not : Bu belge Osmanlıca Tarih Edebiyat grubu üyeleri tarafından çevrilmiştir.
Zafer Şık

Osmanlıca Tarih Edebiyat grubuna ulaşma linki

Arşiv Okumaları / 9

Hû
Diyarbekir Vilâyeti 
Mektubi Kalemi
Umumi/Hususi
Dahiliye Nezaret-i Celilesi
Maruz-ı çaker-i kemineleridir;
Hazro nahiyesinin Ayndar? karyesinde tahassun eden eşkiyanın, ta’kib ve derdestine me’mur ettirilen müfreze üzerine, karye-i mezkure ile Kânisi? karyesi arasında pusuda bulunan eşkıya tarafından, ansızın ateş edilmesi üzerine beş saat devam eden müsademe neticesinde, şakilerden üçünün maktul ve dördünün mecruh olduğu anlaşılmış ise de, mevki'in menâatinden ve akşamın zulmetinden bi'l-istifade firara muvaffak oldukları ve eşkıyanın adeden müfrezeye faik bulunmasından, ric'ate mecburiyet hasıl olmasına mebni, mecruh ve maktullerin ta’yin ve teşhis edilemediği Jandarma Alay Kumandanlığı’nın ifadesi üzerine, berâ-yı mâ’lumat arz olunur, ol bâbda emr ü ferman hazret-i veliyyü'l-emrindir. fi 5 cemaziyelevvel 336 ve fi 16 şubat 334
Diyarbekir Valisi Haydar

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki

Arşiv Okumaları / 8

Hû

hulasa

DİYARBEKİR  VİLAYETİ
mektubî kalemi

maruz-ı çaker-i kemineleridir
Hani nahiyesi mıntıkasında icra- yı şekavet eden seydi? karyeli hacı süleyman oğullarından iki şeririn hayyen ve ikisinin meyyiten derdest edildiği jandarma alay kumandanlığının iş'arı üzerine bera-yı malumat arz olunur ol babda emr u ferman hazret-i veliyyü'l-emrindir fi 29 rebiyyül ahir 336 ve fi 11 şubat 334

diyarbekir valisi
haydar

Not: Bu belge Osmanlıca Tarih Edebiyat grubu üyeleri tarafından çevrilmiştir.

  Osmanlıca Tarih Edebiyat grubuna ulaşma linki

Arşiv Okumaları / 7

Ehl-i diller âşık-ı yâr-i hakîkî oldular
Derd-i 'aşka çâre isterler müdâm Allah'tan

Her biri sûzişdedir, nâr-ı firâk-ı yâr ile
Dilleri hâli değil, bir lahza dûd-ı âhdan

Zümre-i uşşâk bezm-i vuslata müştâk olup
Feth-i bâye muntazırlar sıdkla dergâhdan

Vâkıf-ı esrâr-ı yâr olmak dilersen var heman
Her-dem isticlâb-ı himmet eyle bir âgâhdan

Not: Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık

Osmanlıca Tarih Edebiyat grubuna ulaşma linki

Arşiv Okumaları / 6

Maruz-ı da'i devlet-i aliyYeleridir ki
süleymaniye cami'-i şerifi havlisİnde kain-i tahta medrese sakinlerinden olub el-an bab-ı cenab-ı ser askeride  mahbûs olan talebeden Geredeli Halil nâm şahıs talebe-i ulûma gayr-i layık hilâf-ı rızâ bazı harekat-ı nâ-revaya  İctisarı sebebiyle merkumun li-ecli't-te'dib iznikmid kazasına nefy ü iclası babında ferman-ı alileri mercudur  el-emr li- men lehü'l- emr. Hurrire Fİ'l-yevmi'l hâmis min Saferi'l Hayr li-sene Hamse ve hamsin ve mi'eteyn ve elf
ed-Dâî Mekkizâde Mustafa Âsım 
Ufiye anhuma

Not: Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık

Osmanlıca Tarih Edebiyat grubuna ulaşma linki

Arşiv Okumaları / 5

Musassıl-ı Haleb oldukda ‘izz ü devlet ile
Olup zebanı medayih-i şümar-ı Magnisa

O lalezalar-ı safa- bahşını idüp tavsif
Kulakdan itdi beni bi-karar-ı Magnisa

İdüp letafet-i takriri hatırum teşvik
Derunum olmag ile neş’edar-ı Magnisa

Gelüp o feyz-i nefesden temevvüce yem-i aşk
Lisanum oldı medayih-nigar-ı Magnisa

Not: Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubu için tıklayınız

Arşiv Okumaları / 4

Osmanlıca Tarih Edebiyat grubuna ulaşma linki

devletlü inayetlü merhametli SULTANIM hazretleri sağ olsun bu kulları EZ-KADİM hulus-I kalb ile dua-yı beka-yı ömr ü devletlerinde mukım olub zaruretim ber- kemal ve bİr medar-I MA'AŞA malik olamadığımdan  perişan-hâl olduğum malum-ı alileri buyuruldukda gümrükten kadr-ı kifaye vazife tevcihiyle müceddeden çerağ ü şâdan buyurulmak babında emr ü ferman devletlü inayetlü merhametlü sultanım hazretlerinindir.

Not : Bu belge Osmanlıca Tarih Edebiyat grubu üyeleri tarafından çevrilmiştir.

Arşiv Okumaları / 3

sahh
sahib-i arzuhal erbab-ı ma'arifden şayan-ı RE'Fet olmağla merhameteN düşen mahlülden TAKAS  şartıyla  mukataadan yevmi otuz sağ akçe tevcih olunmak buyruldu 

fi 27 R s.24


Not: Bu belge  Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat grubu

Arşiv Okumaları / 2

seniyyü'l-himema peder-i SAMİ-GÜHERİM devletlU efendim mir-i miran-ı kiramdan bayezid-zade maraşlı sa'adetli osman paşa hazretleri bundan akdem ba emirname-i ma'iyYet-i hulusveriye gelmiş ve HİN-İ vusülünden bu ana kadar icab eden ta'yinaT ve aralık aralık miktar kifaye harçlık taraf-ı senaveriden i'ta olunmakta ise de paşa-yı muma- ileyh mağdur ve perişan ve vücuh ile TENG-DESTİ ve zarureti nümayan ve huluskarlarının ise vakt-ü halim ayan olduğundan muma -ileyhin beyhude ikameti hem 
kendüye hasar ve hem tarafımıza bar olacağı derkar ve bu makule mir-i miranın idaresi ancak müsaade-i seniyyeye menut bir mevadD olmağla paşa-yı muma- ileYHin haline cesban bir mAnSIbla  kayırılması hususu şimdiden mi isTiHsal buyrulur veyahut tevcihatamı te'hir olunur her nevecihle re'y buyrulur ve münasip görülür ise bir vakt-i münasipte devletlU kethüdanın efendi hazretlerine ifade ve ol vecihle istihsal-i müsa'ade-i seniyYeye hemen ve münasip görülmediği takDirce bir mahalle ifade olunmayarak hali üzere terk ve tevkife lütuf ve mürüvvet buyrulmak menut-I ŞİME-İ devletleridir efendim 
Fİ 14 ŞABAN SENE 45

Not: Bu metin Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat

Arşiv Okumaları

Ma'rûz-i çâker-i kemîneleridir ki
resîde-i dest-i ta'zîm olub melfûfuyla manzûr-i âlî buyrulan işbu tezkire-i sâmiyye-i sadâret-penâhîleri üzerine mûcebince irâde-i seniyye-i cenâb-ı hilâfet-penâhî şeref-müte'allik buyrulmuş olmağla ol bâbda emr u fermân hazret-i veliyyü'l emrindir.

fî 28 Receb sene 307 ve fî 8 Mart sene 306

ser-kâtib-i hazret-i şehriyârî
bende
süreyya

Not: Bu belge facebooktaki Osmanlıca Tarih Edebiyat grubu üyeleri tarafından çevrilmiştir.

Zafer ŞIK

Grubumuza ulaşım için;

Osmanlıca Tarih Edebiyat

Siyakat Hattı Elifbası

Şehâdetnâme

Osmanlıca Tarih Edebiyat grubu olarak verdiğimiz sertifika;

شهادتنامه

عثمانليجه تاريخ ادبيات غروبی مكتب عاليسی صنف اولی شاكردانندن ..................... امور دولت عاليه يه متعلق  بالعموم وثائق مهمه یی بحق قرائت و ابراز ایلمش اولدیغی حسن معاشرت و سعی و غیرتی ایله کسب لیاقت ایلدیگنی مبین اشبو شهادتنامه طرفمزدن اعطا قیلندی.

Osmânlıca Târih Edebiyât Grubu Mekteb-i 'Âlisi Sınıf-ı Evveli şâkirdânından ......... ...... umûr-ı Devlet-i 'Âliye'ye müte'allik bi'l-'umûm vesâik-i mühimmeyi bi-hakkın kırâ'at ve  ibrâz eylemiş olduğu hüsn-i mu'âşeret ve sa'y u gayreti ile kesb-i liyâkat eylediğini mübeyyin  işbu şehâdet-nâme tarafımızdan i'tâ kılındı.

رميصا اوطه باش

اتم جوشقون

ظفر شیق