Telhîs mûcebince kayd ve tezkiresi i‘tâ olunmak buyruldu.
Fî 23 N. sene [12]31
Arz-ı bendeleridir ki,
Hâssa Mi‘mârbaşısı Ali Rıza Efendi kullarının işbu memhûr takrîri ve bâlâsına sâdır olan fermân-ı âlîleri mûcebince bu def‘a Cezayir tarafından vürûd eden aslânların vaz‘ ve rabtiyçün Atmeydanı’nda kâin Fazlı Paşa derûnunda mevcûd kârgîrler derûnuna müceddeden inşâ ve ta‘mîr olunan ebniye resîde-i tekmîl olmağla merbût olan bir kıt‘a keşif defteri mantûkunca mesârifi olan üç bin üç yüz otuz buçuk guruşdan hesâb etdirildiği vechile sâbıkına kıyâsen sa‘yen li’l-mîrî üç yüz otuz buçuk guruşu tenzîl olunup mâ‘adâ üç bin guruş mesârifi nin verilmesiyçün Başmuhasebe’ye kayd ve tezkîresi i‘tâ olunmak bâbında emr u fermân devletlü sa‘âdetlü sultânım hazretlerinindir.
Tezkire dâde
fî 4 Şevval sene [12]31
Hiç yorum yok:
Yorum Gönder
Not: Yalnızca bu blogun üyesi yorum gönderebilir.