2- dostlarımızın musâb ve mükedder bulunması keyfiyyeti hasbe'l- muvâlât taraf-ı devlet-i ‘aliyyeye bâdî-i te'essüf-i ‘azîm olmuş ise de ne çâre mukadderât-ı
3- İlâhiyyeden olduğu ve bi- mennihi'l-Mevlâ verâsında mükâfât-ı samedâniye der-kâr idüğünü lisân-ı muhalesetimiz ile yâd u tezkâr ve taraf-ı eşref-i ‘âlîden
4- su'al-i hâtır-ı valâ-kârâneniz zınmında bir mikdâr hediye-i dostî irsâline ibtidâr kılınmışdır. Bu keyfiyyet fi'l-hakîka mukadderât-ı ezeliyye-i İlâhiyyeden
5- olduğunu cenâb-ı dirâyet- me‘abınız dahi der-pîş ederek rehîn-i tesliyet olmanız meczûm-ı hâlisânemiz olub her hâlde istihsâl-i levâzım-ı
6- istirâhat ve âsâyişinize dâir mültemesât-ı dostâneniz olduğu halde teshîl ve icrâsında tecvîz-ı kusûr olunmayacağı dahi bî- iştibâh olmak mülâbesesiyle
7- mahsûsan icrâ-yı vedd u safvet ve ifâ-yı merâsim-i ta‘ziyyet zımnında iş bu vedâd-nâme-i hâlisânemizin tahrîr ve irsâli istifsâr-ı hâtır-ı
8- dostânenize zerî‘a-i mahsûsa ittihâz olunmuşdur.
