Şehremaneti
1- Abraham Paşa hazretlerinin Beyoğlu'nda cadde-i kebirde mutasarrıf oldukları klubün zahrında bulunan arsaya bir nev' yuvarlak oyununa mahsus mahall inşası içün ruhsat itası
2- Valori kalfa tarafından istid'a kılındığı beyanıyla ve ol babdaki haritanın leffiyle icabının iş'arı altıncı daire-i belediye müdiriyetinden ba-tezkire buyrulması üzerine inşa edilecek olan
3- mülkün nasıl oyun icrasına tahsis edileceği ve bu gibi oyun mahallerinin bilahare kumarhane şekline ve yahud devletçe mesağ verilemeyecek diğer bir hale vaz'ı ihtimaline ve böyle olan
4- mahallerinin her dürlü muhazirden selameti vücuduna nazaran bu babda tahkikat-ı muhkemle icrasıyla neticesinin iş'arı cevaben daire-i mezkure müdiriyetinden tebliğ kılınmasıyla bu kere oluna cevabda mahall-i mezkure
5- Velospidle dolaşmak üzere tanzim yollarıyla ingilizlerce lub’iyat-i meşhureden olub (kriket) ta'bir olunur bir nev' yuvarlak oyununa mahsus bir yer yapılub bunlardan başka
6- lub'iyat ve saire icra kılınmayacağı tahkikat-ı vak'adan anlaşıldığı ve bilahare caiz olmayacak suretde istimaline dairece meydan verilmeyeceği velospid süvar olanların Beyoğlu'nun
7- dar mahallerinde va izdihamlı caddelerinde geşt ü güzar eylemeleri tehlikeden salim olamayacağı cihetlerle mahall-i mezkur derununda seyr ve hareket etmek üzere ruhsat itası beyan kılınmış olduğundan
8- keyfiyyet bab-ı aliden istizan kılındığının bera-yı ma'lumat arz ve ifadesine ictira kılındı ol babda emr u ferman hazret-i men lehu'l-emrindir
fi 19 Şaban sene 312 ve fi 3 şubat sebe 310
şehr emini
bende
Hiç yorum yok:
Yorum Gönder
Not: Yalnızca bu blogun üyesi yorum gönderebilir.