Arşiv Okumaları / 69

şevketlü kerametlü mehabetlü kudretlü veli-nimetim efendim kuşculuktan çerağ olan ali ağa kullarının rikab-ı kamer-tab-ı hüsrevanelerine ref' ü takdim eylediği arz-ı halinde haremeyni 'Ş-şerifeyn mukata'atından

 ber-vech-i malikane uhdesinde olan kuşkara ve tevabi'i mukata'ası kastamonu sancağı dahilinde olub bu def'a bi'lcümle mukata'at ve ze'ametler vali ve sancak mutasarrıflarına ihale olunacak olduğuna binaen hala sancak-ı mezkur mutasarrıfı salih paşa kullarının kapu kethüdası emin efendi 
 sabıklarından 2000 guruş noksanıyla mukataa-i mezkureyi ahz ve iltizam daiyesinde olduğunu inha ve sabıkları vechile ilzam olunmasını istid'a ve efendi-i muma-ileyh mukataa-i mezburenin bedel-i iltizam sabıkı 5500 guruş olmak üzere mukaddemen ba-ferman-ı ali

nizam verilmiş olduğunu ba-takrir inha rtmiş olduğundan verilen ferman kaydı sual olundukda sahib-i arz-ı hal merkum mukataa-i mezbureyi mukaddemlerde altı yedi bin guruşa kadar bazı mütegallibe ve zalemeye ilzam etmiş ise de ahali fukarasının bir kaç def'a tazallum ve istirhamlarına mebni 

 5500 guruş bedel-i iltizam ve 100 guruş harc-ı bab ile ilzam olunmak üzere  223 senesinde kastamonu kadısına hitaben emr-i şerif verilmiş idüğü der-kenardan müsteban olmağla arz-ı hal-i mezkur ve evrak -ı saire manzur-ı şahaneleri buyrulmak içün 
 ma'ruz-ı atabe-i ulya-yı şahaneleri kılındığı muhat-ı ilm-i alileri buyuruldukda emr u ferman şevketlü kerametlü mehabetlü kudretlü veli-ni'metim efendim padişahım hazretlerinindir

Not : Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki