Arşiv Okumaları / 88

Şevketlü kerametlü mehabetlü kudretlü veli nimetim efendim 

Yenikapu haricinde kâin kibâr-ı meşâyih-ı kirâmdan Merkez Efendi kaddesallâhu sirruhü'l azîz tekyesi şeyhi Ahmed Efendi daileri ve sair fukara ve dervişan 

 Bab-ı âlîlerine bir kıta arz-ı hal takdimiyle mealindeİSTANBUL GÜMRÜĞÜ malından bâ-mukabele-i nan yevmî yüz yirmi sağ akçeye mutasarrıf ve tekye-i mezkurede sakin sıgalı Aşık Hasan bi-lâ veled fevt olmuş olduğundan vazife-i mezkure mahlûlünden tekye-i merkume fukarasına âyende vü revendegân ve acezeye nan 
Aziz bahası olmak üzre sadaka vü ihsân buyrulmasını niyaz ve istida etmiş ve kaydı ve şürût-i lâzımesi ba'de'l ihrac muktezası lede's-sual bu misillü emvâl-i mukata'at-ı miriyyeden vezayife mutasarrıf olanlardan biri fevt oldukda evlad ve zevce ve vâlideynine nısfı ve ECNEBİye ikişer 
 Akçe ihbariyyesi tevcih ve kusuru hazine mande olunmak şürûtundan olub ancak istida olunduğu vechle tanzimi mücerred irade-i seniyye ve mübarek hatt-ı hümayun-i inayet-makrun-i şahaneleri sünûh ve suduruna muhtac olduğu der kenar olunmuş olmağla manzur-i me'alî-mevfûr-i mülûkâneleri buyrulmak içün

 Arz u takdîm kılınmağın tekye-i mezkûre şeyh ve fukarasının istida ve niyazları hususunda ne vechle irade-i mekârim-âde-i cihanbânîleri sünûh ve sudur buyrulur ise emr u ferman şevketlü kerametlü mehabetlü kudretlü velî ni'metim efendim padişahım hazretlerinindir 
Benim vezirim

bu misüllü şeylere müsa'ade iktiza itmez şürut mucibince hazine mande oluna 

Not : Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık
Osmanlı Türkçesi Arşiv Uzmanı

Osmanlıca Tarih Edebiyat grubuna ulaşma