Hicâba düşmege bâ'is 'aceb nedir bilmem
Bu reh-güzerde taleb-kâr-ı vasl-ı dil-dârem
Tarîk-i mihr ü vefâda taleb nedir bilmem
Tarab-serâ-yı muhabbetde şâd u handânem
Safâ-yı vakt-ile şimdi tarab nedir bilmem
Recâ vü havf-ile it'âb-ı nefs-i dûn ideli
Bu çârsû-yı fenâda ta'ab nedir bilmem
Hadîs-i mihr ü vefâ müntehab-ı kitâbımdır
Su'âl olunsa bana müntehab nedir bilmem
Sevâd-ı zülfüni yârün ruhında gördükçe
Kemâl-i hayret ile rûz u şeb nedir bilmem
Ne nakş-bend-i Rızâyam ne kayd-bend-i 'inâ
Rızâ-yı yâr ile hilm ü gazab nedir bilmem
Osmanlıca Tarih Edebiyat grubuna ulaşma linki
Hiç yorum yok:
Yorum Gönder
Not: Yalnızca bu blogun üyesi yorum gönderebilir.