Arşiv Okumaları / 80

şevketlü kerametlü mehabetlü kudretlü veli-nimetim efendim der-saadette dergah-ı ali yeniçerileri meydanı içinde lahm ta'yinatı verilegelen 8 aded tomruklardan sarı manol tomruğunda ba-berat-ı ali gedüklü tomrukcu olan

Tarandafil VELED-İ Setb her nam  zimmi mürd olduğundan zikrolunan tomrukculuk oğlu dimitri VELED-İ TARANDAFİL zimmiye ber-muceb şurut-ı tevcih VE YEdine mu'tad-ı kadimi üzere berat-ı alişan i'ta buyrulmasını yeniçeri ağası kulları arz etmiş ve kayd u nizamı keyfiyeti sual Olundukta tomrukculuk-ı mezkur ba-berat-ı ali halik-i mersumun 

üzerinde olduğu ve bu makule muafiyyeti müstelzem hizmetlerin mahlulden intikali ve ol-vechile berat i'tası mutlaka irade-i seniyye-i mülükaneleri suduruna mütevakkıf idüğü derkenar olunmuş olmakla arz-ı mezkur-ı manzur-ı meali-mevfur-ı şehr-i yarileri buyrulmak içün arz u takdim kılındığı muhat-ı ilm-i alileri 

Buyuruldukta emr u ferman şevketlü kerametlü mehabetlü kudretlü veli ni'metim padişahım hazretlerinindir 

Benim vezirim
Yeniçeri ağasının arzı mucEbince HALİK-İ mersumun oğluna TEVCİH  olunub yedine Mu'tad üzere berat virile

Not: Bu belge Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat grubuna ulaşma linki