Silistre Valisi Mehmed Selim Paşa kullarının bu defa vârid olan kâimesi mealinde müşârun-ileyhin sarraflık hizmetinde olub bundan akdem bazı cünhaya mebni Rodos cezîresine nefy olunmuş olan
Markar oğlu Begos zimmi ile derkâr olan ahz u i'tâ ve muhasebesi alâ hâlihî kalub el-hâletü hâzihî İLTİzâmât-I deruhdesi vaktinin hulûlü ve mersûme külliyetlü deyni olmak cihetiyle umuRuna sekte iras etmemek içün mersumun her ne kadar cürm ü kabahati vâki' olmuş ise afv ü ihsân buyrularak ıtlakı hususunu iltimas ve inhâ etmekle 
Verilen ferman kaydı sual olundukda mersum kendü halinde olmayub mücerred icra-yı garaz içün milletinin esâfilini tahrik ile hilâf-ı resm raiyyet-i patrikhaneyi basdırmak misillü harekât-ı nâ-becâya ibtidarına binaen şeref-yafta-i sudûr olan hatt-ı hümayun-i şevket-makrûn-i şâhâneleri mucebince geçen sene evâhir-i zilhiccesinde li-ecli't-te'dîb Rodos ceziresine nefy ü iclâsı
Babında emr-i âlî sadır olmuş VE MERSUM menfasına vusûl birle meks ü ikamet etdirildiğini mübeyyin varid olan i'lâm MAZMUNI kaydı balasına şerh verilmiş idüğü divan-ı hümayunları kALEMİNdEn derkenar olunmuş olmağla kâime-i mezkur manzûr-i ma'alî-mevfûr-i mülûkâneleri buyrulmak içün arz u takdim kılındığı muhât-ı ilm-i âlîleri buyruldukda emr u ferman şevketlü kerametlü mehabetlü kudretlü veli nimetim efendim padişahım hazretlerinindir
Benim vezirim
Müşârun ileyhin iltimâsı vechle sarrâf-ı mersûm afv ü ıtlâk oluna
Not : Bu belge Osmanlıca Tarih Edebiyat grubu üyeleri tarafından çevrilmiştir.
Zafer ŞIK
Osmanlıca Arşiv Uzmanı
Hiç yorum yok:
Yorum Gönder
Not: Yalnızca bu blogun üyesi yorum gönderebilir.