Arşiv Okumaları / 101

Şevketlü kerametlü mehabetlü kudretlü velî ni'metim efendim 

Niğde Sancağı mutasarrıfı Ragıb Paşa kulları tarafından vürûd eden tahriratın hulasası mefhumunda Niğdeli Hüseyin nam şakînin fezahate ictisarına mebni

 İdamı havfından Karaman Valisi kullarının yanına gidüb karındaşı Halil ve avenesini cem' birle tımarlarını ta'şîr etmek bahanesiyle fukaraya envâ'-ı hasar isal etmekde olduğundan merkumun ve avenesiyle karındaşının idamı babında vali-i müşarun-ileyhe hitaben başka ve ifade-i hali mütezammın Karaman eyaleti dahilinde olan 
 Kazaların hukkâm ve zabitanına dahi başka iki kıta evamir-i aliyye ısdar buyrulmasını ve eşkıyadan iki neferin cezası tertib ve ser-i maktû'ları Dersaadete gönderildiğini ve Niğde cizyedarı Maden Kurasından olan Çamardı nahiyesi karyeleri reayasına maden emininin talimiyle cizye evrakını sabıkı misillü veremeyüb

 Mezalime ictisar eylediğinden bu suret müşarun-ileyhin kesr-i nüfûzunu mucib olduğunu iki kıta kâime ve iki kıta şukkasında tahrir u inha etmekle manzur-i şahaneleri buyrulmak içün merfû'-ı atebe-i ulyâ-yı mülûkâneleri kılındı gelen ruus-i maktû'a ibreten li'l gayr pişgâh-ı bab-ı hümayunda galtide ca-yı ibret kılınub müşarun-ileyhin 
 Beş altı bin guruş zarar etmiş ve ol babda tahsilcün cizyedar-ı merkumun yedinde olan emr-i âlî maden eminine gönderilüb reayaların sözbaşıları taleb olunmuş ise de emin-i muma-ileyh mani' olduğunu ve emin-i mumâ-ileyh Tarsus canibine ve Efrenc taifesine gâlî baha ile zahire füruhtuna ve sair gûne 
 Isdarını istida eylediği evamirin irsaline irade-i şahaneleri müteallik olur ise ısdar u tesyar olunacağı ve maden emini kullarının harekat-ı nâ-revâya ibtidarı darbhane-i amire nazırı efendi kullarıyla müzakere olunacağı muhat-ı ilm-i âlileri buyruldukda emr u ferman şevketlü kerametlü mehabetlü kudretlü velî nimetim efendim padişahım hazretlerinindir

 Manzurum olmuşdur

Niğde taraflarında zahire füruht edecek efrenc ve ..... nefsaniyyet olmasun müşarun-ileyhin sadr-ı a'zam tarafından gelen tahriratı darbhane nazırına havale olunsun demişidim bu tahriratı dahi muma-ileyhe havale ile ba'de't-tahkik arz olunsun iktizasına bakılur ve iki nefer eşkıya kelleleri galtîde-i hâk-i ibret kılına 

Not : Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık

Osmanlı Türkçesi Arşiv Uzmanı 

Osmanlıca Tarih Edebiyat grubuna ulaşma linki