Arşiv Okumaları / 87

Şevketlü kerametlü mehabetlü kudretlü velî ni'metim efendim 
Ankara kasabasında Haymana-i sagîr nahiyesinde Zerve-Zirve nam karyede vâki' Seyyid Yusuf ZaViyesi Vakfının zaviyedarlık ve TEVLİYEtine öteden berü vâkıf

Mumâ-ileyhin evlâd-ı zükûrundan olanlar mutasarrıf ola gelmişler iken muahharen bEr -takrib EcaNİBdEn Şeyh Salahaddin üzerine geçmiş ise de bundan akdem Şeyh Ahmed ve Derviş Yusuf nam kimesneler evlâd-ı vâkıfdan olduklarını Şer'an isbat eylediklerini Rumeli Kadıaskeri esbak efendi dâileri i'lâm edüb kayfiyyet hâk-i pâ-yı hümayun
Şahanelerine lede'l arz şeref-efzâ-yı sudûr olan hatt-ı hümayun-i şevket-makrun-i şahaneleri mucebince zikr olunan zaviyedarlık ve tevliyet Şeyh Salahaddinin refinden ber-vech-i iştirak merkûmânın üzerlerine tevcih olunarak iki yüz otuz üç tarihinde berat verilmiş ve ba'dehû iki yüz otuz yedi tarihinde dahi

 Niza'ları vuku'uyla yine kemâ-kân merkûmânın üzerlerinde istihkâmen ibka kılınmış imiş  bu defa Ankara nâibinin varid olan bir kıta i'lâmı mealinde Ankara sakinlerinden Halil bin Hüseyin nam kimesne vâkıf-ı mumâ-ileyhin evlad-ı zükûrundan olub merkûmân ile ammizâde ve derecede müsavi olduğunu beyan birle zaviyedarlık 
Ve tevliyet-i mezkûrenin sülüs hissesinin kendüye tevcîhini huzûr-i Şer'de iddia etmiş ve lede't-terâfU' evlad-ı zükûrdan olduğunu merkûmân dahi ikrar ve itiraf ederek zaviye-i mezkureden hasıl olan mahsulatın sülüsünü be-her sene merkum Halile edaya MÜtE'ahhİd olarak bu vechle tevcih kılınması niyazında olduklarını

 İnhâ eylemiş olmakdan nâşî kuyûd-i lâzımesi ba'de'l ihrâc husus-i mezbur Rumeli Kadıaskeri efendi dâilerine havale olunmuş ve ol dahi meal-i i'lâm-ı der-kenardan bahisle istida olunan sülüs hisse ve zaviyedarlık-ı mezkur ber-muceb-i i'lâm merkum Halile tevcihi mübarek hatt-ı hümayun-i şevket-makrun-i şahaneleri suduruna

Mütevakkıf olduğunu i'lâm etmiş olmağla i'lâm-ı mezkûr manzur-i mE'alî-mevfûr-i cihândârîleri buyrulmak içün arz u takdim kılındığı muhât-ı ilm-i âlileri buyruldukda emr u ferMan şevketlü kerametlü mehabetlü kudretlü veli- ni'metim padişahım hazretlerinindir

 Benim vezirim

İşbu takririnde beyan eylediğin üzre istida olunan sülüs hisse tevliyet ve zaviyedarlık-ı mezkur ber-muceb-i i'lâm merkum Halile tevcih oluna 

Not : Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık

Osmanlı Türkçesi Arşiv Uzmanı 

Osmanlıca Tarih Edebiyat grubuna ulaşma linki