Arşiv Okumaları / 106

Şevketlü kerametlü mehâbetlü kudretlü velî ni'metim efendim Bosna valisi paşa kullarının bir kıt'a şukkasında bundan akdem Belgrad üzerine hareketinde ordusunda olan mir-i miran ve ulemâ ve yeniçeri ve kapudânân

ve alemdarAn ve ser-gerdEGAnın ve sa'ir mevcud ma'iyyeti olan sUnıf-ı askeriyenin idaresi zımnında beş ay onbeş gün zarfında eyâlet-i Bosna'dan tertib olunan iki aylık mübayA'a zehâirinden başka Nemçe tüccarından vesairden ma'rifeTİyle mübaya'a etmiş olduğu zehâirin bahası iki bin yirmi üç kise akçe ile üç yüz

 yetmiş sekiz buçuk kuruşa baliğ olub Bosnalı hacı beşli zade Hasan bey muhallEfatından havaleten verilen üç yüz sekiz kese ve taraf-ı çakeriden gönderilen yüz kese akçe fUru-nİhade ve mahsub olunarak kusur-ı matlubu zuhur iden bin altı yüz on beş kese akçe üç yüz yetmiş sekiz buçuk kuruş

 Tarafından istikraz ve ashabına nakden nakden i'ta etmiş olduğu ve bundan başka masarif-i müteferRika olarak üç yüz seksen altı kese dahi bedEninden  sarf etmiş ise de mîrîye teberru' eylediği beyanıyla salifüz'zikr ZEhai'R bahası olan bin altıyüz on beş kese akçe üç yüz yetmiş sekiz buçuk kuruşun te'diye-İ duyûnu zımnında 

 canib-i miriden 'inayet ve ihsan buyurulmasını tahrir ve inha ve zehair-baha ve mesarif-i müteferrikanın mikdar ve külliyyetini mübeyyen müfredat defterini isRa itmiş olmağla manzur-ı mE'ali-mevfur-I mülukaneleri buyurulmak içün ma'ruz-ı 'atEBe-i 'ulya-yı şahaneleri kılındı. Vakı'an müşarün ileyh kulları bezl-i tab U tUvan ile 

İbraz-ı hüsn-i hizmete muvaffak olmuş ve sâye-i hüma-vaye-i zıllullâhîlerinde izhar-ı sadakat ve ubudiyyet etmiş olduğundan gayri Bosnadan ihrac eylediği külliyyetlü askerin mikdarına Belgradda re'yü'l-ayn müşahede ile itimad hasıl olarak ol külliyyete nazaran Bosna ordusunun mesarifi diğer 

  Ehven olmağla mesarif-i müteferrika olARAK terk eylediği altıyüz şu  kadar kese akçeden ma' ada zahire bahası olarak matlubı olan bin altıyüz şu kadar kese akçenin mÜnasibi  vechile havale kabul iden bazı maldan ve bazı muhallEFatdan i'tası hususunda  NE vechile irade-i seniyye-i şehin-şahileri
 
 sunuh ve sudur ider ise emr u ferman şevketlü kerametlü mehabetlü kudretlü veli ni'metim efendim padişahım hazretlerinindir 
 Benim Vezirim
Bosna valisinin itdiği gayrete nazaran bu zahire akçesinin canib-i miriden virilmesi beher hal lazımdır.

Ancak külliyetlü akçe olmağla hazinenin şimdiki haline göre def'aten virilebilürmi bilemem münasib emvalden tedricle virilmek üzere ba'zı havalat  ve sair münasib mal varmıdır defterdar ile bi'l müzakere tanzimine bakasın

Not : Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık
Osmanlı Türkçesi Arşiv Uzmanı

Osmanlıca Tarih Edebiyat grubuna ulaşma linki