Arşiv Okumaları / 60

Ta'yini ve bunların mesarifi ta'ahhüd olunan akçeye dokunub anı vermemeğe bir mukaddeme olmamak mezamin ve tafsilatını ve mevadd-ı saireyi şamil şeref-rîz-i sudûr olan hatt-ı şerif-i şevket-redif-i şahaneleri mefhum-i samisi karin-i iz'ân-ı UBEYdanem olub emr u ferman-ı mülUkâneleri üzre kethuda-yı çakeri

 Ağa kullarına tekrar lede'l-müzakere Bağdad valisi kulları her ne kadar sade-dil ise de Bağdad hükûmeti ve inhasının muhafaza ve vikayesi dekayıkına vakıf ve bu babda lazım gelen vesail ü esbabı idare ve icraya muktedir olduğunu ve bu tarafdan hademe-i devleti aliyyeden biri intihab ve tayin olunsa mahalline varub

 Ne vechle tefhim olunmak iktiza edeceği ve bir fatîn adam ta'yin olunması ve Diyarbekir ve Musul valileri ve RişvaN-zadeye dahi ihbarı ve havadisi mucib olur ise terki ve İngiltere elçisinin bir zemin ile ağzı aranması ve Hilleye kal'a binası İranlunun işrak-ı zamirlerine vesile olacağı ve bir mühendis

bağdadın ve abdurrahman paşa vesairlerin ahvaline tahsil-i vukuf etmesi vakte muhtac olduğundan ma'ada abdurrahman paşa gayet hilekar adem olduğundan böyle bi- hengam hademe-i devletten bir ademin bağdad tarafına azimetinden kuşkulanub suret-i memuriyyetini istirak etmek içün türlü türlü zemin ve muhterİ'ata ibtidar

Ve belki esna-yı râhda ber-takrib soydurub tahriratını aldırmağa ictisar edebilmesi hâtır-güzar olub melhuz olan mehazirden salim olmak içün hatt-ı hümayun-i şahanede mestur mütalaat-ı seniyyeyi şifahen Bağdad Valisine ifade ve lazımü'l-ihtar-ı halatı beyana muktedir ve o havaliye vakıf daire-i

 Âcizanemde adamım olmağla irade-i seniyye müteallik olur ise ol adamımı gönderdiğim suretde güya benim Bağdad memuriyyeti takribiyle münesebetim derkâr olduğundan halet efendinin maslahatıyla bir adamı gelmiş gibi add olunacağına binaen Abdurrahman Paşanın izelesiçün Bağdad Valisine yazılan emr-i âli ve iktiza eder ise

ve ma'iyyetine me'muriyyetleriçün musul ve diyarbekir ve rakka valilerine tasdir olunan emr-i aliyye ve ol babda taraf-ı çakeriden yazılacak cevabname ol-adama teslim ve bunları kemaliyle hıfz ve setr ve bağdad valisine mahfiyyen teslim olması tenbih ve lazım gelen vesaya güze-i hafızasına tevdi' kılınmak ve rİşvan-zade mahalline

 Henüz geldiğinden nizam-ı hali olmayub iktiza etse bile bir gûne i'aneye muktedir olamayacağı ve bU'd mesafe cihetiyle şimdilik anın memuriyyeti terk ü te'hîr olunmasını tensib birle göndereceği adamına suret-i zahirde herkesin ma'lûmu olacak bir memuriyyet verilmesi dahi lazımeden olmağla ta'yin olunacak

mühendis-i merkume terfik ve bağdad valisine bir kaime yazılub mazmununda poliçelerin vusulünden ve teslimatın makbuz senedleri gönderildiğinden ve mardin mukata'ası keyfiyyetinden ve hille kal'asının binasına şuru' etmiş olduğundan bahisle bağdadın ta'miriçün matlub olunan mühendis ta'yin ve tesyir olundu vakıa bağdad kal'asının

Muhtac olan mahallerinin yapılması lazımeden ve sizin dahi bu maddeye himmet ve ikdam eylemeniz mukteza-yı sadakat ve istikametinizdendir ancak bu tarafdan mühendis istemekden maksudunuz masarifini devlet-i aliyyeye tahmil daiyyesine mebni olması hâtır-güzâr olmuş ise de el-hâletü hâihî saltanat-ı seniyyenin masarif-i seferiyyesi tahammül-güzar olduğu

 Ma'lûmunuz iken şimdi bu masarifi dahi saltanat-ı seniyyeye tahmîl ve yahud ta'ahhüd eylediğiniz mebâliğa mahsûb olunmak suretleri hatırınıza gelmiş ise bu suretler ibtida-yı memuriyyetinizde kâl ü kaleme alınmak hakkınızda hâsıl olan i'tikâdât-ı hasene ve mehâsin-i teveccühât-ı seniyyenin hilâfını müstelzim olacağına binâen miyânede derkâr olan

 revabit-i kaviyye ve ahd ü peyman lazimesince bu babta yalnız tahrir ile iktifa olunmayub der-kar olan mehaziri şifahen dahi size tefhim içün mahsus felan ademimle irsal olunmuştur müte'ahhid olduğunuz mebaliğden gayr-ı ez-irsal kusur kalan akçenin hemen tekmilen irsaliyle ifa-yı şerita-i ta'ahhüde ve ta'mir masarıfının dahi mukteza-yı

 Kiyâset-i zâtiyyeniz üzre başkaca idaresiyle nezd-i ferd-i cenâb-ı zıllullâhîde bir kat dahi meşkûru'l-hidme olmağa sa'y ü himmet eyleyesiz zeminleri ta'birat-ı lazıme bastıyla tahrir olunmak ve münasib mukaddemat tedarikiyle İngiltere elçisinin dahi yine ağa-yı muma-ileyh vasıtasıyla Bağdad konsOlOsUndAn bahs ederek ber-takrib ağzı

 Arandıkda İraniyandan şimdilerde Bağdada su-i kasd eĞleNmeyüb hemen Abdurrahman Paşanın bu vaz'ı kendülere girân gelmesinden neş'et etmiş idüğü münfehim olmağla bu vechle tanzimine irade-i aliyyeleri müte'allik olur ise muktezası icra olunacağı ve muma-ileyh kullarının adamıyla irsali tensib buyrulmadığı suretde hademe-i devlet-i aliyyelerinden

 yine bi'lmüzakere bir münasib kulları intihab kılınacağı muhat-ı ilm-i alileri buyruldukta emr u ferman şevketlü  kerametlü mehabetlü kudretlü veli-nimetim efendim padişahım hazretlerinindir

Not : Bu belge Osmanlıca Tarih Edebiyat grubu üyeleri tarafından çevrilmiştir. 

Osmanlıca Tarih Edebiyat grubuna ulaşma linki