Arşiv Okumaları / 78

Şevketlü kerametlü mehabetlü kudretlü veli-nimetim efendim

kahveci esnafı yemen kahvesinin beher kıyyesini dörder buçuk kuruşa mübaya'a itmekde oldukları tahkik olunub bu hisab üzre beher yirmibeşer 

dirhemi onaltişar paraya füruhTuiktiza eylediğinden ol vechile esnaf-ı merkumeye ifade ve beher yirmi beşer dirhemi onsekiz paraya füruhTu hususi buyuruldu isdarıyla istanbul kadısı efendi dailerine tenbih olunmakdan naşi ol dahi kahveci tüccar ve esnafını nezdine celb

 ve rebiul ahirin  onbeşinci gününden  itibaren tevzi' olunacak kahvelerinin beher kıyyesini attarına beş kuruş oniki paraya ve bu hesap üzere beher yirmibeş dirhemi ibadullaha onsekiz ve paraya bey' ve füruhtuna  tüccar ve esnaf-ı merkuma müteahhid olub ol vechile tevzi' olunacağı 
 Efendi-i mûma ileyh dâ'îleri i'lan ve inhâ etmiş olduğundan mücerred manzûr-i şâhâneleri buyurulmak içün arz ve takdîm kılındığı muhât-ı ilm-i âlîleri buyuruldukta emr u fermân şevketlü kerametlü mehâbetlü kudretlü velî ni'metim efendim pâdişâhım hazretlerinindir 
 benim vezirim işbu takririn ve istanbul kadısının i'lamı manzurum olmuştur kahvenin tenzil oluduğu isabettir istanbul sekenesinin havayic-i zaruriyyelerinden olan eşyaya dikkat lazımdır yoluyla tanzimine ihtimam eyleyesün göreyim seni ibadullahdan hayr-ı dua aldırmağa mübaderet eyleyesün allah muvaffak eyleye 

Not : Bu belge Osmanlıca Tarih Edebiyat grubu üyeleri tarafından çevrilmiştir.

Osmanlıca Tarih Edebiyat grubuna ulaşma linki