Devletlü inayetlü merhametlü veliyyü'n-ni'am kesir-ül cud-ı ve'l-kerem efendim hazretleri
işbu mah-ı rebi'ü'l-ahirin 27 çEharşenbe günü kable'l -asr silivriye duhulümüzden 2 saat sonra sa'adetlü ismail paşa bendeleri
tarafından bir tatar gelüb yevm-i mezkurun gecesi tekfur dağında beytutet ve ferdası silivriye azimet edeceğini haber vermekle pençeşenbe günü kulları dahi ales-seher karşu giderek esna-yı rahda mülakat ile silivriye celb ve cuma gecesi silivride kalub ferdası
Çekmece-i kebire azimet anda dahi bir gece kalarak cumartesi günü ba'de-l asr baruthaneye varub ol-gece baruthanede beytutet ile ferdası pazar günü ki mah-ı cemaziye'l- evvelin gurresi günüdür ale's-seher davudpaşada mevcud bulunmak üzere tasmim olunmuş ise de
keyfiyyet ma'lum-ı ali-i veliyyü'n-ni'amileri buyruldukta her ne vechİle emr u irade-i seniyyeleri ta'alluk eder ise çakerleri ol-vechİle harekete ibtidar edeceğim ve silivriyle çekmece-i kebirin beyni altı saat olub bir günde silivriden baruthaneye azimet ve duhul mümkün isede paşa-yı muma-ileyh esna-yı rahda
Ta'b-ı keşide olub belki baruthaneye süremez hülyasıyla davud paşada mevcud bulunmak hususu pazara tahsis olunDUğı veliyyü'n-ni'amileri buyuruldukda her halde emr ü ferman devletlü inayetlü veliyyü'n -niam efendim hazretlerinindir
Yevm-i ahaD gurre olmağla yevm-i mezkurda tertib-i alay içün bu gün yahud yarın tezkereler dağıla
Not : Bu belge Osmanlıca Tarih Edebiyat grubu üyeleri tarafından çevrilmiştir.
Hiç yorum yok:
Yorum Gönder
Not: Yalnızca bu blogun üyesi yorum gönderebilir.