Arşiv Okumaları / 61

Şevketlü kerametlü mehabetlü kudretlü velî ni'metim efendim 

Gelibolu sancağında Sûfiler-Sofular nam karyed ve gayriden bin dört yüz kırk yedi akçe atmaca getürücülüğü tımarı bundan akdem veli veled-i velinin bi-lâ veled mahlûlünden 

 Tobra keşan eski mehmed ba-hatt-ı hümayun ve ba-mukabele -i nan teveccüh ve ihsan olunmak mülabesesiyle tımar-ı mezburun hasılatıyla taayyüş eder iken ba'dehü atmacacı başını mugayir-i hatt-ı hümayun tımar-ı mezkuru merkumun üzerinden ref' ve kendü adamı üzerine  teveccüh ettirderek gadr etmiş olduğu beyanıyla tımar-ı mezburun 
 Yine uhdesine tevcîh ve ibka buyrulmasını bu defa merkum Tobrakeşan Mehmed rikab-ı kam-yab-ı mülûkânelerine ref' u takdim eylediği bir kıta arz-ı haliyle niyaz ve istida eder tımar-ı mezbur ser-atmacacıyan-ı hassa arzıyla ocak emekdarlarından Mehmed veled-i Abdullah iki yüz yirmi senesi cümadiyel ahiresinin on dördüncü gününde 
 Tevcîh olunmuşiken merkum tobrakeşan Eski Mehmedin bâ-arz-ı hal-i istid'âsına mebni sadır olan hatt-ı hümayun mucebince müteveffa Veli veled-i Velinin bi-lâ veled mahlûlünden ve Mehmed veled-i Abdullahın ref'inden merkum Tobrakeşan Eski Mehmede tevcih ve berat i'tâ olundukdan sonra iki yüz yirmi üç senesi cümadiyel ahiresi evahirinde 
 atmacacı başının arzıyla merkum tobrakeşan mehmed ref'inden mehmed veled-i abdullaha tevcih ve berat i'ta olunmuş olduğu reis vekili efendi kullarının ve atmacacı başının i'lamlarından ve merkum tobrakeşan mehmedin diğer arz-ı halinde muharrer der-kenardan müsteban olmağla zikr olunan i'lam ve der-kenarlı arz-ı haller ma'ruz -ı huzur

 Maalî-nüşûr-i tâc-dârîleri kılınmağın tımar-ı mezbur mukaddem bâ-hatt-ı hümayun sahib-i arz-ı hale tevcih ve ihsan olunmuşiken ba'dehû ref'inden yalnız atmacacı başının arzıyla sahib-i evveli ve ocak emekdarı olarak merkum Mehmed veled-i Abdullaha tevcih olunmuş olduğuna mebni şimdi sahib-i arz-ı hal merkuma tevcih ve ibkası 
mütevakkıf irade-i mekarim ifade-i şehr-i yarileri idüğü malum-ı alileri buyruldukta emr u ferman şevketlü  kerametlü mehabetlü kudretlü veli-nimetim efendim padişahım hazretlerinindir

Not : Bu belge Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat grubuna ulaşma linki