Bu kere savb-ı ismetâniye der-kâr olan teveccühât-ı aliyelerinin devam ve bekâsını şâmil reside-i dest-i tekrim buyurulan iki kıt'a tezkire-i atûfîleri meal-i rehin-i iz'ân buyurulmuşdur. Heman Cenâb-ı Hakk ve Feyyâz-ı Mutlak olan zât-ı mülûkâneye ve saniyen zât-ı âlilerine etval-i ömürler ihsânıyla serîr-i saltanat-ı seniyyede şeref-yâb ve müstedâm buyursun. Deynimizin teraküm etmesi hususunda efkar buyurulmuş olduğundan memnun oldum. Vak'â biraz ziyade teraküm etmiş ise de bazı icabdan çaresiz vuku' buluyor ben de hiç bir vakitte teraküm etmesine razı değilim ve olmamasına mecburum. Bu defa böyle olmuş bundan böyle inşallah Sâye-i mülükânede TESVİYE OLUR DA BEN DE SİZ DE RAHAT ederiz ve böyle efkâr buyurmanıza doğrusu memnun oldum. Çünkü bilmemekden bilmek daha faydalı şeydir. Bu babda vaki' olan HULUS U hususiyetlerinden fevkâlâde müteşekkir olarak BE-TEKRAR dua-yı ömr ü ikbâlleri DA'VATINA mübaderet kılındı SİMUZER hanıma dair olan keyfiyet ma'lûm-I İSMETANEM buyuruldukda emrinize imtisalen sair bir MEMLÛK düşdüğü vakit hâne ALIRIZ akçesini verMEM bu hususda zât-ı âliyyenizi her ne kadar tasdi' etmiş isem de afv buyurMALARI müsteRcâbdır bundan böyle beyan-ı hale ibtidar olundu.
Fi 11 muharrem sene 280
Mehd-i ulya-yı sultan
Not : Bu belge Osmanlıca Tarih Edebiyat grubu üyeleri tarafından çevrilmiştir.
Zafer Şık
Osmanlı Türkçesi Arşiv Uzmanı
Osmanlıca Tarih Edebiyat grubuna ulaşma linki
Hiç yorum yok:
Yorum Gönder
Not: Yalnızca bu blogun üyesi yorum gönderebilir.