Arşiv Okumaları / 104

şevketlü kerametlü mehabetlü kudretlü veli ni'metim efendim
edirne bostancı başısı sabık dağdevirenzade mehmed ağa kullarının bu def'a bir kıt'a kaimesi vürud idüb mealinde bostancı başılık mezkurun uhdesinden sarf-ı tahviliyle

 Silahdar ağası sabık Mehmed Ağa kullarına tefvîz olunduğu mesmû'u olduğunu ve kendüsünün Edirnede veya çiftliğinde ikamet ve yahud Dersaadete azimet eylemesine dair bir gûne emr u irade sünûh ve sudûr etmediğinden tevakkufunu mucib olmuş ise de kendüsü devlet-i aliyyenin ıtk u azad kabul etmez abd-i memlûkü olub her halde emr u ferman

 Cihan-mutâ'-ı saltanat-ı seniyyeye imtisal ve mutavaat  fariza-i zimmeti olduğundan bahsle Edirne veya çiftliğinde ikamet ve yahud derbar-ı atûfet-karara azimet eylemesi şıkklarından kankısı emr u irade buyrulur ise ol vechle harekete mübaderet edeceğini inha etmiş olduğundan kâime-i mezkure encümen-i şûrâda kıraat ve müzakeresine mübaderet olundukda 
 Delil ve bürhan olduğu ba'de'l-ityân muma-ileyhin Edirne ve yahud çiftliğinde  ikameti mahzurdan sâlim olmayub Dersaadete celbi lâzımeden ise de mukaddem hakkında bazı mütalaat der-pîş olduğunu teferrüs etmemek içün varid olan mektubunun vusûlünden bahsle fakat bostancı başılık mezkur uhdesinden 
 Fe-hamden sümme hamden sâye-i saltanat-ı seniyye-i şahanelerinde gürûh-i etkıye ve ebgıyenin ekseri karîn-i kahr u hızlân ve bakiyyetü's-süyûfu dahi satvet-i devlet-i aliyyelerinden berk-i hazandide gibi lerzan olarak semt-i necat ü felah ancak emr u iradeye imtisal ve salah olduğunu fehm ü izan etmiş olduklarına işbu suret dahi 
 Sarf ü tahvil olunmuş ise de kendüsü gibi kâr-güzâr-ı devlet-i aliyye hademesinin metrûken Edirnede veya çiftliğinde ikameti münasib olmadığından emsali misillü gelüb hidemat-ı saltanat-ı seniyye ile kesb-i şeref ü mefharet eylemesi lâzımeden olduğu mukaddematı derciyle der-i aliyyeye gelmesiçün taraf-ı çâkerîden cevabname yazılması ve muma-ileyhin

 Der-i aliyyede dahi müddet-i medîde ikameti mazbut olan mizâcına nazaran gayr-i câiz olduğundan der-i saadetlerine ba'de'l-vusûl bir memuriyyet tedarikiyle bir mahalle gönderilmesi beyne'l-huzzâr tezekkür ve beyan olunduğu muhat-ı ilm-i âlîleri buyruldukda emr u ferman şevketlü kerametlü mehabetlü kudretlü velî ni'metim efendim padişahım hazretlerinindir

benim vezirim muma- ileyh ma'zulen edirnede ikamet etmek uymaz halefinin maslahatına dahi sekte gelür çiftliğinde dahi menfa gibi niçün ikamet edecek her hizmete muktedir adamdır gelüb bu tarafta ikamet eylesün bu vechile cevab tahrir eyleyesin

Not : Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık
Osmanlı Türkçesi Arşiv Uzmanı

Osmanlıca Tarih Edebiyat grubuna ulaşma linki