benim şevketlü kerametlü mehabetlü salabetlü veli-nimetim efendim padişahım
inşaallahü teala bugün divan-ı hümayundan sonra ıstabl-ı amirelerine varılub mirahor-ı evvel ağa kulları marifetiyle enderun-ı hümayun rahat hazinesi müvacehe de açılub ber-muceb-i defter-i müfredat ferman-ı hümayun-ı şahaneleriyle ifraz olunan mühimmat bi'lcümle hazine-i merkuma vaz' olunduktan sonra kel'evvel mühr-i hümayunlarıyla mühürlenmek üzeredir harem-i hümayunları tarafından olan kapudan siper içün mahall-i mezkura teşrife rağbet-i hümayun-ı mülükaneleri olurmu yohsa heman kulunuz vaz' edüb gidelim mi hala mirahor ağa kullarıyla Mısır’a gönderilecek kağıtlar eldedir inşaallahü teala cuma günü mirahor ağa bizim saraya mı mübarek rikab-ı hümayununuza yüz sürüp cuma ertesi gitsün yohsa bugün yüz sürüb pençşenbe günü mü gitsün ferman-ı hümayun şevketlü kerametlü mehabetlü salabetlü veli-nimetim sebeb-i devletim efendimindir.
Not : Bu belge Osmanlıca Tarih Edebiyat grubu üyeleri tarafından çevrilmiştir.
Zafer Şık
Osmanlı Türkçesi Arşiv Uzmanı
Osmanlıca Tarih Edebiyat grubuna ulaşma linki
Hiç yorum yok:
Yorum Gönder
Not: Yalnızca bu blogun üyesi yorum gönderebilir.