Devletlu inayetlu sultanım hazretleri sağ olsun
Bu kulları Canik'e tabi' Kavak kazasından olub bir şeyden haberim ve agahım yoğiken yine Kavak kazasına tabi' ulaş nam karye sakinlerinden Ahmed nam kimesne zuhura gelüb benim
karındaşım Halil nam kimesnenin kızını sen kendün nikah itdin niçün yüz guruş nikahını ve nafakasını vermezsin deyu ve henüz nikah itmiş değil iken mezbur şiddete süluk ve ol vechile akçe mütalebesiyle bila sübut-ı şer'i ta'addi ve rencide ve gadr-ı külli murad idüb merahim-i aliyyelerinden mercudur ki mezburun ol vechile olan ta'addisi men' u def' olunmak babında mahallinde şer'le görülmek içün kadısına hitaben ferman-ı alileri niyaz olunur emr u ferman devletlü merhametlü sultanım hazretlerinindir
Bende Hüseyin
Not : Bu belge Osmanlıca Tarih Edebiyat grubu üyeleri tarafından çevrilmiştir.
Osmanlıca Tarih Edebiyat grubuna ulaşma linki
Hiç yorum yok:
Yorum Gönder
Not: Yalnızca bu blogun üyesi yorum gönderebilir.