Takririn mucibince muma-ileyhe tevcih eyleyesin 
Şevketlü kerametlü mehabetlü kudretlü veli-nimetim
Şeref-yafte-i sahife-i sudur olan hatt-ı hümayun-ı übbehet-makrun-ı mülukaneleri mucibince köstendil sancağı yerkökü (yergökü) muhafızlığına merbut olmak şartıyla Hala Yerkökü Muhafızı salih paşa kullarına tevcih olunmuş olmağla paşa-yı muma-ileyh uhdesinde olup bazı esbaba mebni hasılatına Dest-res olamadığı ilbasan sancağının dahi yine birinin uhdesinde bulunması lazimeden olmakdan naşi bundan mukaddemce maiyyet-i çakeranemle Der-saadete gelüp bu defa vilayeti canibine avdet eden mir-i mirandan ivranya'lı hüseyin paşa kullarının sırb maslahatında hidmeti mesbuk Olduğundan zikr olunan ilbasan sancağının dahi muma-ileyh hüseyin paşa kullarına tevcihi muvafık-ı irade-i seniyye-i şahaneleri ise Emr ü ferman şevketlü kerametlü mehabetlü kudretlü veli-nimetim efendim padişahım hazretlerinindir
Not : Bu belge Osmanlıca Tarih Edebiyat grubu üyeleri tarafından çevrilmiştir.
Hiç yorum yok:
Yorum Gönder
Not: Yalnızca bu blogun üyesi yorum gönderebilir.