Arşiv Okumaları / 103

Şevketlü kerametlü mehabetlü kudretlü veli ni'metim efendim.
Sivas valisi pehlivan paşa tarafından bu defa Dersa'adete vürud eden Ömer nam tatar istintak ettirildik de

 Memleket ve aceze-i ra'iyyet haklarında zulm ü ta'ADdiyaTı ihbar olunduğuna mebni paşa-yı muma-ileyhin tahkik-i ahvali zımnında hasakiyan-ı hassadan bir kulları ta'yin ve irsal olunması hâk-i pâ-yı kimyasa-yı mülûkânelerinden lede'l istizan şeref-yafte-i sudur olan hatt-ı 

 ahz etmiş olduklarını ve zile voyvodalığı buyuruldusu müşarun ileyh kulları tarafından merkumun oğlu Osman efendiye gelmiş ise de ahali kendüyü ve oğlunu istemediklerinden merkum ilbaşı ve oğlu zileye sekiz saat mesafede 
 Sulusaray nam çiftliğine gitmiş olduğunu ve ahali-i merkumeden beş on neferi hallerini ifade içün müşarun-ileyh tarafına gitmiş olduklarını tatar-ı merkum ifade vü takrir etmekle kaleme aldırılan takriri manzur-i me'alî-mevfur-i 

Şahaneleri buyrulmak içün ma'rûz-i huzur-i lâmi'u'n-nur-i mülûkâneleri kılındı merkum İLbaşı oğlunun bu suretİ kesb etmesi mücerred kuvve-i tâli'-i ferhunde- mEtali'-i şahaneleri semeresi olmak mülabesesiyle diğer takrir-i çakeranemde 

 Beyan olunduğu vechle savb-ı çâkerîden müşarun-ileyh kullarına tahrirat gönderilerek merkumun def'-i gâilesine bakması işar kılınması muvafık-ı irade-i seniyye-i şahaneleri ise emr u ferman şevketlü kerametlü mehabetlü kudretlü velî nimetim padişahım hazretlerinindir 
 Benim vezirim

Bu tatarın takriri sahih olduğu suretde merkum inşaallah etdiğini bulacak gayet hafî tutarak bir hüsn-i tedbir ile def'-i gâilesine bakmak içün Pehlivan Paşaya tahrir eyleyesin 

Not : Bu belge Osmanlıca Tarih Edebiyat grubu üyeleri tarafından çevrilmiştir.

Zafer Şık
Osmanlı Türkçesi Arşiv Uzmanı

Osmanlıca Tarih Edebiyat grubuna ulaşma linki